捱過疫情、捱過通關、但捱唔過2024年？
疫情前後，走咗一班香港人，改變咗港人消費模式，不得不承認，香港變了！
加上小店缺乏宣傳同曝光之下⋯⋯
唔醒起、唔記得、唔知道，原來嗰度有間黃店！
既然大家未必每日都幫襯到佢哋，就不如幫手宣傳一下！
只要見到佢哋嘅Facebook、Instagram就幫忙Follow，見到佢哋出任何Po都去比個Like，甚至留個言，諗唔到留咩言，求其出個Emoji都好！
那怕你根本身在海外，都一樣可幫到手！
Reach同Engagement對一盤生意好重要！尤其係冇乜錢落廣告嘅小店！
由於多咗人留言、讚好、分享，社交媒體嘅演算法會視之為多人鍾意嘅Page或內容，除咗你朋友會見，甚至推廣比其他冇Follow嗰個Page嘅人，令更多人認識，或者醒起原來仲有呢間需要撐嘅小店！所以只係一個簡單嘅動作，幫幫手，撳個掣，將佢哋嘅曝光率增加，順道提醒身邊人，至少做到呢一步，都已經幫到少少手！
#黃店 #撐同路人 #撐小店
Credit: 我不是V姐
